ئەسعەد شەیبانی لە بەغدایە

ئاڤا نیوز

وەزیری دەرەوەی سووریا بەشداریی لە لووتکەی کۆمکاری عەرەبی لە بەغدا دەکات.

چیرۆکی سەرەکی: ئەمڕۆ شەممە 17ـی ئایاری 2025، 34ـەمین لووتکەی کۆمکاری عەرەبی لە بەغدا بە بەشداریی 22 وڵات بەڕێوەدەچێت.

زانیاریی زیاتر: دوای ئەوەی ئەحمەد شەرع، سەرۆکی سووریا ڕەتیکردەوە بەشداریی بکات لە لووتکەی عەرەبی لە بەغدا، ئەسعەد شەیبانی، وەزیری دەرەوەی بە نوێنەرایەتی شەرع بەشداریی لەو لووتکەیە دەکات، هاوکات لە فڕۆکەخانەی نێودەوڵەتیی بەغدا لەلایەن محەممەد بەحرلعلومە، جێگری وەزیری دەرەوەی عێراق پێشوازی لێکرا.