بۆ کەمکردنەوەی مەترسییەکانی لافاو ئاوەڕۆی هەولێر ژمارە تەلەفۆنی هەشت تیم بڵاو دەکاتەوە

ئاڤا نیوز

بەڕێوەبەرایەتی ئاوەڕۆی هەولێر ڕایدەگەیێنێت، هەشت تیمیان لە ئامادەباشین بۆ کەمکردنەوەی مەترسییەکانی لافاو و پەنگخواردنەوەی ئاو لە هەر شوێنێکی هەولێر دروست ببێت.

وێنە گەورەکە: کەشناسی هۆشداری دەدات لە سەرەتای ئەم هەفتەیە شەپۆلێکی بارانی بەخوڕ چەند ناوچەیەکی هەرێمی کوردستان دەگرێتەوە. ساڵانە وەک ئامادەکاری بۆ بەرگرتن لە دروستبوونی لافاو و پەنگخواردنەوەی ئاو، تیمەکانی بەڕێوەبەرایەتی ئاوەڕۆی هەولێر مانگێک پێشوەختە ڕێڕەوەکانی ئاوەڕۆ خاوێن دەکەنەوە و ئامادەکاری دەکەن.

لێدوانی فەرمی: زەردەشت عەبدولخالق سەرسام، بەڕێوەبەری ئاوەڕۆی هەولێر بە ئاڤای وت، بە ئامانجی پێشگرتن و کەمکردنەوەی مەترسیەکانی دروستبوونی لافاو لە شاری هەولێر. بەڕێوەبەرایەتی ئاوەڕۆی هەولێر بەپێی سنوری شارەوانییەکان چەندین ژمارەی تەلەفۆنی هێڵی گەرم بڵاودەکاتەوە بەمەبەستی هاوکاری و پاڵپشتی کردنی هاووڵاتیان و پێشگرتن لە پەنگخواردنەوەی ئاو و مەترسیەکانی لافاو. 

بەڕێوەبەرایەتی ئاوەڕۆی هەولێر داوا لە هاونیشتیمانیانی هەولێر دەکات لە هەر ئەگەرێکی دروستبوونی پەنگخواردنەوەی ئاو دەتوانن بەزووترین کات لەڕێگای ئەم ژمارانەی خوارەوە پەیوەندی بکەن:

ئەندازیار /كاردۆ ئازاد محەممەد ئەمين - بەرپرسی سنووری شارەوانی یەك
ژ.م/ 07515203456
 
ئەندازیار / عەبدولمەناف ئیلیاس محەممەد - بەرپرسی سنووری شارەوانی دوو
ژ.م/ 07504480645

ئەندازیار / ئومێد عەبدولحەمید شوکر - بەرپرسی سنووری شارەوانی سێ 
ژ.م/ 07504524496

ئەندازیار / سەرکەوت محەممەد ئەمین بابەکر - بەرپرسی سنووری شارەوانی چوار 
ژ.م/ 07504466857

ئەندازیار / نافیز عەبدوڵڵا يابه - بەرپرسی سنووری شارەوانی پێنج 
ژ.م/ 07504510146

ئەندازیار / دلۆڤان عەبدولحەمید ڕەسول - بەرپرسی سنووری شارەوانی شەش 
ژ.م/ 07503869696

ئەندازیار / شێروان ئەمین - بەرپرسی سنووری شارەوانی دارەتوو و بنەسڵاوە
ژ.م/ 07504624478

سۆران مەحمەەد غەفور - بەرپرسی هۆبەی خاوێن کردنەوە و ئامێری صاروخ 
ژ.م/ 07504626341