کارمەندانی کۆمیسیۆن لەڕێگەی کارتی بانکی شایستە داراییەکانیان وەردەگرن

ئاڤا نیوز

کۆمیسیۆنی هەڵبژاردنەکانی عێراق، ئامادەکاری بۆ خەرجکردنی شایستە داراییەکانی کارمەندانی کۆمیسیۆن دەکات، ئەمجارە لەڕێگەی کارتی بانکییەوە شایستە داراییەکانیان وەردەگرن.

چیرۆکی سەرەکی: لە پرۆسەی دەنگدانی گشتیی بۆ خولی شەشەمی پەرلەمانی عێراق، لە هەرێمی کوردستان نزیکەی 40 هەزار کارمەند سەرپەرشتی و چاودێری پرۆسەکەیان کرد، ژمارەی کارمەندە یەدەگەکانیش سەرووی دوو هەزار کەس بوون.

لێدوانی فەرمی: خالید عەباس، بەرپرسی ئۆفیسی دهۆکی کۆمیسیۆن بە ئاڤای گوت، "ئۆفیسەکانی کۆمیسیۆنی هەڵبژاردن لە پارێزگاکانی هەرێمی کوردستان، ناوی سەرجەم کارمەندان بۆ ئۆفیسی سەرەکی دەنێرن، بۆ ئەوەی کارتی بانکیان بۆ دروست بکرێت، لەگەڵ خەرجکردنی پارەکە دەخرێتە سەر هەژماریان."

گوتیشی، "کۆمیسیۆنی هەڵبژاردنەکانی عێراق، لەگەڵ بانکی ڕافیدەین هەماهەنگی کردووە، بۆ ئەوەی کارمەندانی کۆمیسیۆن لەڕێگەی هەژماری بانکی، لەبەرامبەر دروستکردنی هەر کارتێکی بانکی سێ هەزار دینار لە کارمەندەکە دەگێڕدرێتەوە."

ئەوەی پێویستە بیزانیت: کارمەندانی کۆمیسیۆن بڕی جیاوازیان بۆ خەرج دەکرێت، بەگوێرەی ئەرک و بەرپرسیارییەتی بڕەکەی گۆڕانکاری بەسەردادێت.
 
دەرچووانی زانکۆ و قوتابیان ڕێژەی 95%ـی کارمەندانیان پێکدەهێنا

٠ بەڕێوەبەری بنکە: 400 هەزار
٠ بەڕێوەبەری وێستگە: 300 هەزار
٠ کارمەندی سەر سندووق: 250 هەزار

فەرمانبەری حکومەت ڕێژەی 5%:

٠ بەڕێوەبەری بنکە: 300 هەزار
٠ بەڕێوەبەری وێستگە: 200 هەزار
٠ کارمەندی سەر سندووق: 150 هەزار

لەلایەکی دیکەوە: کۆمیسیۆن پارەی کارمەندە یەدەگەکانیش خەرج دەکات، ئەگەر فەرمانبەری حکومەت بێت 50 هەزار و پێدانی ڕێز و سوپاس، بۆ دەرچووان و قوتابیان بۆ هەر کارمەندێک 100 هەزار خەرج دەکات.