کارەبای عێراق خستنەگەڕی هێڵێکی نوێی کارەبا ڕادەگەیێنێت

ئاڤا نیوز

وەزارتی کارەبای عێراق، خستنەگەڕی هێڵێکی نوێی کارەبای ڕاگەیاند، کە وزە لە وێستگەی قورنە 400 بۆ وێستگەی عەمارە 400 دەگوێزێتەوە.

چیرۆکی سەرەکی: بەگوێرەی بەیاننامەیەکی وەزارەتی کارەبای عێراق کە ئەمڕۆ دووشەممە 1-12-2025 بڵاویکردەوە، درێژیی ئەم هێڵە نوێیە 83 کیلۆمەترە و ژمارەی تاوەرەکانی 185 تاوەرە، هەروەها توانای گواستنەوەی وزەی تا 1000 مێگاوات هەیە.

لێدوانی فەرمی: زیاد عەلی فازڵ، وەزیری کارەبای عێراق ڕایگەیاند: پڕۆژەکە بە شێوەیەکی ڕاستەوخۆ بەشدار دەبێت لە بەهێزکردنی پەیوەندییەکانی تۆڕی کارەبا لە ناوچەکانی باشوور، زیادکردنی وزەی گواستراوە و کردنەوەی ڕێڕەوی نوێ بۆ بەستنەوەی تۆڕی باشوور بە ناوچەکانی ناوەڕاست، ئەوەش لە ڕێگەی وێستگەی عەمارەوە تا دەگاتە وێستگەی کوت

زانیاریی زیاتر: وەزیری کارەبای عێراق ئاماژەی بەوەکرد،  ئەم هەنگاوە وەک تەواوکەری بەرنامەی فراوانکردنی تۆڕی گواستنەوەی وزەی بەرز  kv400 دێت، دوای ئەوەی لە مانگی ئابی ڕابردوودا چوار هێڵی سەرەکی بە درێژیی گشتی 412 کیلۆمەتر لە بەسرەوە بۆ ناسریە، پاشان سەماوە تا دەگاتە دیوانیە درێژدەبێتەوە.