پلەکانی گەرما لە پێنج پارێزگای عێراق دەگاتە نیوەی کوڵان

ئاڤا نیوز

دەستەی کەشناسیی عێراق وردەکاری بارودۆخی کەشوهەوای وڵاتی بۆ ڕۆژانی داهاتوو ئاشكراكرد، پێشبینی دەكات لە پێنج پارێزگای عێراق پلەکانی گەرما بگەنە نیوەی کوڵان.

ڕاگەیێنراوی فەرمی: بەپێی پێشبینییەکانی کەشناسی عێراق، ڕۆژی یەكشەممە 25-8-2024 پلەکانی گەرما لە پێنج پارێزگای عێراق دەگاتە 50 پلەی سیلیزی، هاوکات لە حەوت پارێزگای دیکەش پلەکانی گەرما دەگاتە 49 پلەی سیلیزی.

زانیاریی زیاتر: لە پارێزگاکانی "نەجەف، بەسڕە، میسان، زیقار و موسەننا" پلەکانی گەرما دەگەنە 50 پلەی سیلیزی و لە پارێزگاکانی "بەغدا، ئەنبار، دیوانیە، واست، بابل، كەربەلا و سەڵاحەدین" دەگەنە 49 پلەی سیلیزی.

ئەوەی پێشبینی دەكرێت: پێشتر دەستەی كەشناسی عێراق بڵاوی كردەوە: ئەو گەرما بەتینەی دەگاتە عێراق تا ڕۆژی چوارشەممەی داهاتوو بەردەوام دەبێت.