یەکەی نیشتەجێبوون بەسەر کەسانی هەژار و کەمدەرامەت دابەشدەکرێت

ئاڤا نیوز

 

وەزارەتی ئاوانکردنەوە و نیشتەجێکردنی حکومەتی هەرێمی کوردستان، دەست بەدابەشکردن یەکەکانی نیشتەجێبوون بەسەر هەژار و کەمدەرامەتان لە سەرجەم پارێزگا و ئێدارە سەربەخۆکانی هەرێمی کوردستان، دەکات.

 

لێدوانی فەرمی: توانا بەشیر، بەڕێوەبەری گشتی دیوانی وەزارەتی ئاوەدانکردنەوە بە ئاڤا میدیای ڕاگەیاند: داتا و زانیاریی ئەو کەسانەی فۆڕمەکەیان پڕکردووەتەوە و لە وردبینی دەرچوون، ڕەوانەی یەکە کارگێڕییەکانی پارێزگا و ئیدارە سەربەخۆکان کردووە بۆ پشت ڕاستکردنەوەی زانیارییەکان دوای گەڕانەوەی ناوەکان بۆ وەزارەت، دەست بەدابەشکردنی یەکەکان دەکرێت.

 

زانیاریی زیاتر: دوای ئەوەی هاونیشتمانیان بەشێوەی ئۆنلاین فۆڕمەکانیان پڕکردەوە و وردبینیان بۆ کرا، دواجار بەشێوەی خاڵبەندی  نۆ هەزار و چوار یەکە بەپێی مەرج  و ڕێنماییەکان  بەسەر  خێزانی هەژار و فەرمانبەرانی  کەمدەرامەت و 3٪  یەکەکانیش بەسەرخاوەنپێداویستییە تایبەتەکاندا دابەش دەکرێت.

 

ئەمەش بزانە: لەبارەی پێشەکی و ماوەی قیستی یەکەکان توانابەشیر، بەڕێوەبەری گشتی دیوانی وەزارەتی ئاوەدانکردنەوە ئاماژەی بەوە کرد، "یەکەکانی نیشتەجێبوون بەبێ پێشەکی و بەقیستی 25 ساڵ دابەشدەکرێن ئەو یەکە نیشتەجێبووانەشی  تەواوبوون، دابەشدەکرێن و ڕاستەوخۆ هاونیشتمانییان کلیلی یەکەکانیان وەردەگرێن و گرێبەست لەگەڵ وەزارەت دەکەن، ئەو یەکانەشی خزمەتگوزاریان تەواو نەکراوە تا کاتی گەیاندنی خزمەتگوزاری هیچ بڕەپارەیەک لە کەسەکە وەرناگیرێت.