ڕێپێوانی سوور بۆ پشتیوانی لە غەززە و لوبنان لە بەغدا بەڕێوەچوو

ئاڤا نیوز

 

سەدان گەنج و لاوی عێراقی بۆ پشتگیریی لە غەززە و لوبنان بە بەرگی سوورەوە، ڕێپێوانێکی ئاشتییانەیان لە بەغدای پایتەخت ڕێکخست.

 

زانیاریی بەدەستهاتوو: ڕێپێوانی سووری گەنجانی عێراق لەشەقامی فەلەستین لەسەنتەری بەغدای پایتەخت بەڕێوەچوو، تێیدا بە سەدان گەنجی شاری بەغدا و پارێزگاکانی دیکەی عێراق بە بەرگی سوورەوە پشتیوانیی خۆیان بۆ غەززە و لوبنان دەربڕی.

 

ئەوەی پێویستە بیزانیت: دوای زیاتر لە ساڵێک لە ‌شەڕی نێوان ئیسرائیل و حەماس، هەموو هەوڵەکانی ئاگربەست شکستیان هێناوە، لەسەرەتای دەستپێکردنی ئۆپەراسیۆنەکانی ئیسرائیلیش بۆسەر لوبنان، دوو هەزار 710 کەس کوژراون و 12 هەزار و 592 کەسی دیکەش برینداربوون، یەک ملیۆن و 500 هەزار کەسیش ئاوارەبوون.