بەرەی مقاوەمە: هیچ جیاوازییەک لە نێوان ترەمپ و بایدندا نییە

ئاڤا نیوز

 

گرووپە چەکدارەکانی عێراق بەناو "بەرەی مقاوەمەی ئیسلامی" هەڵویستی خۆیان سەبارەت بە سەرکەوتنی ترەمپ لە هەڵبژاردنەکانی سەرۆکایەتی ئەمریکا ئاشکرا کرد. 

 

وێنە گەورەکە: ڕۆژی 5-11-2024 هەڵبژاردنی سەرۆکایەتیی ئەمریکا بەڕێوچوو، بە گوێرەی ئەنجامە بەراییەکان دۆناڵد ترەمپ، بەربژێری کۆمارییەکان وەک  47ـەمین سەرۆکی ویلایەتە یەکگرتووەکانی ئەمریکا هەڵبژێردرا.

 

لێدوانی فەرمی: عەباس زەیدی، ئەندامی کەتیبەکانی سەیدولشوهەدا ڕایگەیاند: " هیچ جیاوازییەک لە نێوان ترەمپ و بایدن لە دەستبەسەرداگرتنی توانا و سامانی گەلانی جیهاندا نییە و  پرسی پەرەسەندن یان هێورکردنەوەی دۆخی ناوچەی ڕۆژهەڵاتی نێوەڕاست بەندە بە ڕەزامەندی ئیسرائیلەوە".

 

لەلایەکی دیکەوە: فەزل فەرجەڵڵا، ئەندامی مەکتەبی سیاسیی حیزبی دەعوەی ئیسلامی بە ئاڤا نیوزی گوت: بەهیچ شێوەیەک نامانەوێت جەنگی ناوچەکە فراوانتر بێت و عێراق بگرێتەوە و پارێزگاریکردن لە سیستەمی سیاسی و سەقامگیریی عێراق کاری لە پێشینەمانە.