پێنتاگۆن: هیچ پلانێکمان بۆ دامەزراندنی بنکەی سەربازیی دیكە لە سووریا نییە

ئاڤا نیوز

 

وەزارەتی بەرگریی ئەمریكا 'پێنتاگۆن' دووپاتی دەكاتەوە، هیچ پلان و نیازێكیان نییە بۆ دامەزراندنی بنكەیەكی سەربازیی لە کۆبانێ لە پارێزگای حەلەب. 

 

لێدوانی فەرمی: سەبرینا سینگ، جێگری وتەبێژی پێنتاگۆن لە یەکەمین كۆنفرانسی ڕۆژنامەوانیی ساڵی نوێدا ڕایگەیاند، ئەو هەواڵانەی لە بارەی دامەزراندنی بنكەیەكی سەربازیی ئەمریكی لە کۆبانێ بڵاوبوونەتەوە، هیچ بنەمایەكی نییە و وڵاتەكەی پلانی لەمجۆرەی نییە، هاوكات نیازی دامەزراندنی هیچ بنكەیەكی سەربازیمان لە كۆبانێ نییە.

 

زانیاری زیاتر: ئەركی سەربازانی ئەمریكا لە سووریا بۆ لەناوبردنی پاشماوەكانی چەكدارە تیرۆرستییەكانە، ئەمە بە وتەی وتەبێژەكەی پێنتاگۆن.

 

باكگراوند: ئەمریكا چوار بنكەی سەربازیی لە ڕۆژئاوای کوردستان و سووریادا هەیە و نزیكەی هەزار سەرباز و ڕاوێژكار لەخۆدەگرن. لەگەڵ دەستپێكردنی شەڕی غەززە بەردەوام هێرش دەكرێتە سەر بنكە سەربازییەكانی ئەمریكا لە سووریا و بەهۆیەوە ژمارەیەك سەرباز و ڕاوێژكاری ئەمریكا بریندار بوون.