سوپای سوودان فڕۆکەخانەی نێودەوڵەتی خەرتووم کۆنترۆڵ دەکاتەوە

 

ئاڤا نیوز

فەرماندەیی ئۆپەراسیۆنەکانی خەرتووم کۆنترۆڵکردنی فڕۆکەخانەی نێودەوڵەتیی خەرتوومی لە دەست هێزەکانی پشتیووانی خێرا ڕاگەیاند.

چیرۆکی سەرەکی: شەڕی چەکداری لە سوودان لە نیسانی ساڵی 2023ـەوە لە نێوان سوپا و هێزەکانی پشتیوانی خێرا دەستیپێکردووە و بەردەوامە، بەپێی ڕاپۆرتە ناوخۆیی و نێودەوڵەتییەکان لە ئەنجامی ئەو شەڕەی تاوەکو ئێستا درێژەی هەیە، زیاتر لە 20 هەزار کەس گیانیان لەدەستداوە و نزیکەی 14 ملیۆن کەسی دیکەش ئاوارەبوون.

ڕاگەیێنراوی فەرمی: بەگوێرەی ڕاگەیێنراوی سوپای سوودان، هێزەکانی سوپا توانیویانە کۆنترۆڵی فڕۆکەخانەی نێودەڵەتیی خەرتووم بکەن.

ئەوەی پێویستە بیزانیت: بەرەبەیانی ڕۆژی شەممە 2025-03-22، سوپای سوودان، هەریەکە لە بانکی ناوەندی و تاوەرەکانی کۆمپانیاکانی پەیوەندی و بانکی سەحل و سەحرا و کۆشکی سەرۆکایەتیی وڵاتەکە و سەرجەم وەزارەتەکانی ناوەندی پایتەختیان لەژێر دەستی هێزەکانی پشتیوانی خێرا کۆنترۆڵکردەوە.

باکگراوند: هێزی پشتیوانی خێرا هەزاران ئەندامی هەیە و مێژووی دروستبوونی دەگەرێتەوە بۆ سەردەمی ڕژێمی پێشووی سوودان، ئامانج لە دروستبوونی ڕووبەڕبوونەوەی یاخیبووانی دارفۆر بوو لەسەر سنوورەکانی ئەو وڵاتە.