هیندستان؛ پاکستان بە ئەنجامدانی هێرشی درۆنی و مووشەکی تۆمەتبار دەکات

ئاڤا نیوز

هیندستان پاکستان بە ئەنجامدانی هێرشی درۆنی و مووشەکی بۆ سەر سێ بنکەی سەربازیی تۆمەتبار دەکات؛ لە بەرامبەردا پاکستان ڕەتیدەکاتەوە ئەو هێرشە کاری ئەو بووبێت.

ڕاگەیێنراوی فەرمی: سوپای هیندستان ڕایگەیاند، هێرشەکان کراونەتە سەر دوو بنکەی سەربازی لە بەشە هیندییەکەی کشمیر و بنکەیەک لە ویلایەتی پەنجاب، بەڵام هێرشەکان پوچەڵ کراونەتەوە.

لێدوانی فەرمی: خواجە ئاسیف، وەزیری بەرگریی پاکستان، ڕایگەیاند، "ئێمە نکۆڵی لەو هێرشە دەکەین، ئێمە تا ئێستا هیچ هەنگاوێکمان نەناوە، ئێمە هێرش ناکەین و دواتر نکۆڵی لێ بکەین."

لەلایەکی دیکەوە: لە سەر ئاستی نێودەوڵەتی هەوڵی ئەوە دەدرێت ڕێگە لە خۆشبوونی شەڕی نێوان هیندستان و پاکستان بگیرێت کە دوو دەوڵەتی دراوسێی خاوەن چەکی ئەتۆمین.