پەرلەمانی عێراق: کەموکورتی لە دامەزراوە سەربازییەکانی عێراق هەیە

ئاڤا نیوز

لیژنەی ئاسایش و بەرگریی عێراق لەسەر گیانلەدەستدانی دوو قوتابی کۆلێژی سەربازی هاتە دەنگ و ڕایگەیاند: دامەزراوەی سەربازیی لە عێراق کەموکورتی ڕێکخراوەیی و کارگێریی هەیە. ئاماژەش بەوە دەکات، ئەرکە پەرلەمان لێکۆڵینەوە لەو بارەیەوە بکات.

 

چیرۆکی سەرەکی: لە 18-05-2025، قوتابیانی خولی (89)ی کۆلێژی سەربازی لە ناسرییە، لە کاتی پرۆسەی پێشوازیکردن و وردبینیکردنی ناوی قوتابیانی پێشکەشکار و دابەشکردنیان بەسەر یەکەکاندا، بەهۆی بەرکەوتنیان بە تیشکی خۆر و بێ ئاوی، دوو قوتابی گیانیان لەدەست دا و  نۆ قوتابی دیکەش بەهۆی هیلاکی و ماندووبوونەوە ڕەوانەی نەخۆشخانە کران.

 

ڕاگەیێنراوی فەرمی: خالید عوبەیدی، ئەندامی لیژنەی ئاسایش و بەرگریی پەرلەمانی عێراق و وەزیری پێشووتری عێراق ڕایگەیاند: ئەوەی ڕوویدا ناتوانرێت بە ڕووداوێک یان هەڵەیەکی تاکەکەسی هەژمار بکرێت، بەڵکو ئاماژەیەکی جددییە بۆ کەموکوڕیی کارگێڕی و ڕێکخراوەیی لە میکانیزمەکانی ڕاهێنان و چاودێری لەناو دامەزراوەی سەربازیدا، ئەرکی ئێمە لە لیژنەی ئاسایش و بەرگری پێکهێنانی تیمێکە لە پەرلەمان بۆ لێکۆڵینەوە تا بزانین چی ڕوویداوە و بەدواداچوون بۆ دۆسیەکە بکات.

 

عوبەیدی ئاماژەی بەوەشکرد، "ئەفسەرەکان بەڕێگەی تووند و فشاری زۆرەوە ڕاهێنانیان پێناکرێت، بەڵکو بەپێی شێوازە سەربازییە مۆدێرنەکان و بەپێی بنەمای هۆشیارانە و ئامادەکاریی دەروونی و ڕاهێنانی هاوسەنگ و وردە وردە، لە ژینگەیەکدا کە ژیانی ئەندامان بپارێزێت و تواناکانیان بەرزبکاتەوە ڕاهێنانیان پێدەکرێت".

 

ئەوەی پێویستە بیزانیت: بەو هۆیەشەوە پێشتر، ئەحمەد موسەوی، ئەندامی پەرلەمانی عێراق داوای دەستلەکارکێشانەوەی وەزیری بەرگریی کرد، هاوکات داواشی لە پەرلەمانی عێراق کرد لێپرسینەوە لەو وەزیرە بکەن.