بەهۆی پچڕانی کارەباوە گرفت بۆ دابەشکردنی ئاوی سلێمانی دروست دەبێت

ئاڤا نیوز

 

بەڕێوەبەرایەتیی ئاوی سلێمانی لەبارەی دروستبوونی گرفت بۆ دابەشکردنی ئاو لە سلێمانی ڕوونکردنەوە دەدات، بەڕێوەبەرایەتیی کارەبای سلێمانیش چاککردنەوەی کێشەکە بۆ ئاڤا ئاشکرا دەکات.

 

بڵاوکراوەی فەرمی: بەڕێوەبەرایەتیی ئاوی سلێمانی ڕایگەیاند: لە کاتژمێر سێی بەیانی ئەمڕۆ یەکشەممە 25-5-2025، بەهۆی پچڕانی کارەباوە لە هەردوو پڕۆژەی یەک و دووی ئاوی دووکان - سلێمانی، دابەشکردنی ئاو لە هەردوو پڕۆژەکە وەستاوە.

لێدوانی فەرمی: سیروان محەممەد، وتەبێژی کارەبای سلێمانی بە ئاڤای ڕاگەیاند: کێشەی کارەباکەمان چارەسەر کردووە، هەروەها بەڕێوەبەرایەتیی ئاوی سلێمانی بەپێی پلانەکانی خۆیان دەست بە هەناردەی ئاو دەکەنەوە بۆ نێو شار.

 

لەلایەکی دیکەوە: هەر لەماوەی پچڕانی کارەبا لەو پڕۆژەیە تیمەکانی بەڕێوەبەرایەتییەکە دەستیانکردووە بە بە پاککردنەوەی وەرگری هێڵی یەک و دووی ئاوی دووکان - سلێمانی لە قەشقۆڵی، تاوەکو لە پاشماوەی گەشتیاران و کۆبوونەوەی لم پاکی بکەنەوە.