گەشتە ئاسمانییەکان لە فڕۆکەخانەی بەسرە دەستیان پێکردەوە

ئاڤا نیوز

وەزارەتی گواستنەوەی عێراق، دەستپێکردنەوەی گەشتە ئاسمانییەکانی لە فڕۆکەخانەی نێودەوڵەتیی بەسڕە ڕاگەیاند دوای هەڵپەساردنێکی کاتی.

چیرۆکی سەرەکی: بەهۆی ئەو پێشهاتە ئەمنییانەی ناوچەکە بەخۆیەوە دەیبینێت و لە پێناو پاراستنی سەلامەتیی گەشتیاراندا، وەزارەتی گواستنەوە بڕیاری دابوو بە شێوەیەکی کاتی گەشتە ئاسمانییەکان لە فڕۆکەخانەی نێودەوڵەتیی بەسرە ڕابگرێت.

ڕاگەیێنراوی فەرمی: وەزارەتی گواستنەوە دەستپێکردنەوەی گەشتە ئاسمانییەکان 'چوون و هاتن' لە فڕۆکەخانەی نێودەوڵەتیی بەسرەوە ڕادەگەیەنێت، ئەمەش دوای تەواوکردنی هەڵسەنگاندنە ئەمنی و تەکنیکییە پێویستەکان و بە هەماهەنگیی تەواو لەگەڵ لایەنە پەیوەندیدارەکان لە کۆمپانیای گشتیی خزمەتگوزارییەکانی فڕۆکەوانیی ئاسمانی و بەڕێوەبەرایەتیی فڕۆکەخانەکان و دەسەڵاتی فڕۆکەوانیی مەدەنیی عێراق.

لە هەمان کاتدا: وەزارەتەکە ئاماژە بەوە دەکات کە کۆمپانیای گشتیی هێڵی ئاسمانیی عێراقی بەردەوامە لە جێبەجێکردنی گەشتەکانی و ڕوونیدەکاتەوە کە ژمارەی ئەو گەشتانەی پلانیان بۆ دانراوە ئەمڕۆ یەکشەممە جێبەجێ بکرێن، 10 گەشتە بۆ ئاڕاستەی جیاواز.