سیاسەتوانێک: ئیسرائیل لەوە دەترسێت شەڕ درێژە بکێشێت

ئاڤا نیوز

 

ئاگربەستی لە نێوان ئێران و ئیسرائیل ڕاگەیێنراوە و نووسەر و سیاسەتوانێک دەڵێت: ئیسرائیل بەشێکی بەرچاوی توانا سەربازییەکانی ئێرانی تێکشاندووە، هەروەها ئیسرائیل لەوە دەترسێت ئەو شەڕە درێژە بکێشێت.

 

وێنە گەورەکە: جەنگی نێوان ئیسرائیل و ئێران لە ماوەی 12 ڕۆژدا زیانێکی زۆری گیانی و ئابووریی لێکەوتەوە کە بە چەندین ملیار دۆلار دەخەملێنرێت، جگە لەمەش جەنگە کاریگەریی ڕاستەوخۆی لەسەر جیهان بە گشتی و ناوچەکە بە تایبەت دروستکرد، کە بووە هۆی داخستنی ئاسمانی چەند وڵاتێک بۆ ماوەی جەند ڕۆژیک و هەڵوەشاندنەوەی هەزاران گەشتی ئاسمانی.

 

لێدوانی فەرمی: مەولوود باوەموراد، نووسەر سیاسەتوان بە ئاڤای راگەیاند: ئیسرائیل لە هێرشەکانی بۆ سەر ئێران بەشێوەیەکی بەرچاو ئامانجەکانی خۆی پێکاوە و دەستی لە هیچ شوێنێکی وڵاتەکە نەپاراستووە، هەموو بنکە سەربازی و ڕێکخراوەییە گرنگ و دیارەکانی کردووتە ئامانج و بۆردوومانی کردوون، بەمەش زیانێکی گەورەی لە ئێران داوە، لەگەڵ ئەوەشدا ئەمریکا و ئیسرائیل بە دوای کۆتاییهێنان بە بەرنامەی ئەتۆمیی ئێرانەوە بوون، بۆیە لەسەر هێرشکردنە سەر بنکە ئەتۆمییەکانی ئێران کۆک بوون.

 

لە بەشێکی دیکەی قسەکانی مەولوود باوەموراد، باسی لەوەکرد:  جوگرافیای ئیسرائیل بچووکە و بەرگەی ئەو هەموو هێرشە ناگرێت, ئەو وڵاتە لەوە دەترسێت ئەو شەڕە درێژە بکێشێت،خەڵکی جوو ئەگەر تێگەیشتنێکی ئایینی نەبیت ئەوا ئیسرائیل هیچ خۆش نییە بۆ ژیان.