خەرجییەکانی سەربازی عێراق بۆ ئەمساڵ زیاد دەکرێت

ئاڤا نیوز

بەگوێرەی گۆڤاری "CEO World"ـی ئەمریکی، کۆی گشتی خەرجییە سەربازییەکانی عێراق بۆ ساڵی 2025 گەیشتووەتە 6.2 ملیار دۆلار، ئەمەش بەراورد بە ساڵانی پێشوو بەرزبووەتەوە.

چیرۆکی سەرەکی: گۆڤاری "CEO World"ـی ئەمریکی بڵاویکردووەتەوە، ئەمریکا لە خەرجییەکانی سەربازی بۆ ساڵی 2025 لە پێشەنگی جیهاندایە، 997 ملیار دۆلاری بۆ تەرخانکردووە، دوای ئەو چین بەپلەی دووەم دێت و 314 ملیار دۆلاری بۆ تەرخانکردووە، دواتر ڕووسیا، ئەڵمانیا وهیندستانیش لە پلەی پێنجەمدایە.

بڵاوکراوەی فەرمی: گۆڤاری "CEO World"ـی ئەمریکی بڵاویکردەوە، حکومەتی عێراق بۆ ساڵی 2025 زیاتر لە شەش ملیار و 200 ملیۆن دۆلاری بۆ خەرجی سەربازی تەرخانکردووە، ئەمەش بەراود بەساڵانی پێشوو کە پێنج ملیار دۆلار بوو بەرزبووەتەوە.

گۆڤارەکە ئاماژەی بەوەشکرد، خەرجی سەربازی لە عێراق بۆ ساڵی 2025 دەکاتە 1.9% داهاتی گشتی وڵات.