سەرۆكی هەرێمی كوردستان سەركۆنەی هێرشەكەی ڕووسیا دەكات

ئاڤا نیوز

 نێچیرڤان بارزانی، سەرۆکی هەرێمی کوردستان، سەرکۆنەی هێرشە تیرۆرستییەکەی شاری مۆسکۆ دەکات و دەڵێت "تیرۆریزم هەڕەشەیەکی جیهانییە و بۆ تێکشکاندنی دەبێ کۆمەڵگەی نێودەوڵەتی یەکگرتوو بێت".

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان لە تویتێکدا نووسیویەتی: بەتووندی ئەو هێرشە دڕندانەیە سەرکۆنە دەکەم کە خەڵکی مەدەنیی لە مۆسکۆ کردە ئامانج، سەرەخۆشی لە خانەوادەی قوربانییان و گەلی ڕووسیا دەکەم؛ تیرۆریزم هەڕەشەیەکی جیهانییە و بۆ تێکشکاندنی دەبێ کۆمەڵگەی نێودەوڵەتی یەکگرتوو بێت.

باکگراوند: لە هێرشێکدا بۆ سەر کۆنسێرتێک لە مۆسکۆی پایتەختی ڕووسیا کە داعش بەرپرسیارێتییەکەی لە ئەستۆ گرت، لانیکەم 115 کەس کوژران و زیاتر لە 100 کەسی دیکەش بریندار بوون.