ترەمپ: پەلەم نییە بۆ قسەکردن لەگەڵ ئێران

ئاڤا نیوز 

 

سەرۆکی ئەمەریکا سەبارەت بە دانوستاندنەکانی لەگەڵ ئێران ڕایگەیاند، "دانوستاندن لەگەڵ ئێران دەکەین، بەڵام هیچ پەلەیەکمان بۆ ئەم مەبەستە نییە".

 

وێنە گەورەکە: دوای هێرشە ئاسمانییەکانی ئەمریکا بۆ سەر ئێران، واشنتن بەردەوام لە هەوڵدایە بۆ دەستپێکردنەوەی دانوستاندن لەگەڵ تاران، بەڵام تاوەکو ئێستا هیچ وادەیەک و شوێنێک بۆ ئەم مەبەستە دیاری نەکراوە.

 

لێدوانی فەرمی: دۆناڵد ترەمپ، سەرۆکی ئەمەریکا ڕایگەیاند: ئێران هیوادارە دانوستاندن و گفتوگۆ لەگەڵ ئەمریکا دەستپێبکاتەوە، بەڵام ئێمە پەلەمان نییە لە دانوستاندن. گوتیشی، هیچ سەرۆکێکی ئەمریکا وەک من بۆردوومانی ئێرانی نەکردووە.

 

لەلایەکی دیکەوە: وتەبێژی وەزارەتی دەرەوەی ئەمریکا سەبارەت بە دانوستاندنەکان ڕایگەیاند: هیچ وادەیەک بۆ کۆبوونەوەی عەباس عێراقچی، وەزیری دەرەوەی ئێران و ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا دیاری نەکراوە.