شەقامێکی سلێمانی بەڕووی شۆفێراندا دەکرێتەوە

ئاڤا نیوز

دووسایدی هەواری شار – تونێلی پێشڕەو لە سلێمانی بەڕووی شۆفێراندا کرایەوە، شەقامەکە نۆژەنکراوەتەوە و ئەو گرفتانەی چارەسەرکراوە کە لە سالانی ڕابردوو هۆکاربوون بۆ چەندین ڕووداوی دڵتەزێنی هاتووچۆ.
 
چیرۆکی سەرەکی: ئەمڕۆ سێشەممە 22-7-2025، ڕێگای نوێی دووسایدی هەواری شار - تونێلی پێشڕەو لە سلێمانی بەڕووی شۆفێراندا کرایەوە، شەقامەکە کار ئاسانی بۆ هاووڵاتییان و گەشتیاران دەکات بە ڕێگەیەکی ئاسانتر بگەنە سیتەک و شارباژێڕ.

بڵاوکراوەی فەرمی: فەرمانگەی میدیا و زانیاریی حکومەتی هەرێمی کوردستان بڵاویکردەوە: شەقامەکە هەزار و 500 مەتر درێژە و 30 مەتر پانە، تێچووەکەی 4 ملیار دینارە و ماوەی جێبەجێکردنەکەی یەک ساڵ بووە.

ئەوەی پێویستە بیزانیت: پرۆژەکە کار ئاسانی بۆ هاووڵاتییانی سلێمانی، چوارتا، سیتەک، سیوەیل، زەلان و نزیکەی 40 گوندی ناوچەکە دەکات، کاریگەریی ئەرێنی لەسەر کەرتی گەشتیاری و بازرگانیی ناوچەکە دەبێت.