ئیسرائیل پشکنینی ورد بۆ ئەو بارهەڵگرانە دەکات کە دەچنە کەرتی غەززەوە

ئاڤا نیوز

بارهەڵگرەکانی هاوکاری گەیشتوونەتە دەروازەکانی کەرتی غەززە و پێش چوونە ناوەوەیان، ئیسرائیل بە وردی پشکنینیان بۆ دەکات.

وێنە گەورەکە: چەند مانگێکە ئیسرائیل گەمارۆی تووندی خستووەتە سەر کەرتی غەززە، برسییەتی و بەدخۆراکی لە ناو کەرتەکە بلاو بووتەوە و بە هۆی برسییەتیەوە نزیکەی 130  کەس کە زۆربەیان منداڵن گیانیان لەدەست داوە و بەهۆی فشارە نێودەوڵەتییەکان وای کرد ئیسرائیل چەند دەروازەیەک بۆ چوونە ناوەی هاوکارییەکان بکاتەوە.

ڕاگەیێنراوی فەرمی: سەرچاوە تەندروستییەکانی کەرتی غەززە ڕایاگەیاند، "کەرتی غەززە ڕۆژانە پێویستی بە 600 بارهەڵگری یارمەتی مرۆیی و  مانگانەش 250 هەزار کارتۆن شیر بۆ منداڵی ساوا.

زانیاریی زیاتر: بەڕێوبەری گشتیی وەزارەتی تەندروستی ئاماژەی بەوە کرد، ئاگربەستی مرۆیی ئەگەر نەبێتە دەرفەتێکی ڕاستەقینە بۆ ڕزگارکردنی گیانی مرۆڤەکان هیچ مانایەکی نییە و چارەسەری ڕیشەیی ئەوەیە کە دەروازەکان بکرێتەوە و دەستبەجێ گەمارۆکە بشکێنرێت.