لە جەزائیر پاسێک دەکەوێتە ناو دۆڵێک 18 کەس گیان لەدەستدەدەن

ئاڤا نیوز

پاسێکی پڕ لە سەرنشین کەوتە نێو ڕووباری دۆڵی حەراش لە جەزائیر، لەئەنجامدا 18 کەس گیانئیان لەدەستدا و 9 کەسی دیکە بریندار بوون.

زانیاریی بەدەستهاتوو: میدیاکانی جەزائیر بڵاویان کردەوە، ئێوارەی ئەمڕۆ هەینی پاسێکی نەفەرهەڵگر کەوتە نێو ڕووباری دۆڵی حەراش لە شاری جەزائیری پایتەختی جەزائیر، بەهۆیەوە 18 کەس گیانیان لەدەستدا و نۆ کەسی دیکەش برینداربوون کە دوو کەسیان باری تەندروستییان سەختە.

زانیاریی زیاتر: پرۆسەی گەڕان و دەرکردنی سەرنشینەکان بەردەوامە و پاراستنی مەدەنی 25 ئەمبوڵانس و 16 غەواس و چوار بەلەمیان خستوەتە کار لە ئۆپەراسیۆنەکە دا.