سەرۆکی ئەمریکا ئەمساڵ بەشداری لووتکەی گرووپی 20 ناکات

ئاڤا نیوز

ئەفریقای باشوور میوانداری گرووپی 20 بۆ ساڵی 2025 دەکات کە بڕیارە لە مانگی نۆڤمبەر بەڕێوە بچێت، دوا بەدوای ئەمەش ئەمریکا میوانداری لووتکەکە دەکات و سەرۆکی ئەمریکا وردەکارییەکان دەخاتەڕوو.

چی ڕوودەدات: گرووپی 20 لە مانگی نۆڤەمبەر لە ئەفریقای باشوور بەڕێوە دەچێت، بەڵام ترەمپ بەشدارنەبوونی خۆی ڕاگەیاند، وتیشی لە جیاتی خۆی جەی دی ڤانسی، جێگری نوێنەرایەتی ئەمریکا لەم لووتکەیەدا دەکات کە تیایدا سەرۆکی وڵاتان و حکومەتی وڵاتانی ئەندامی گرووپی 20 کۆدەبنەوە.

 لێدوانی فەرمی: دۆناڵد ترەمپ، سەرۆکی ئەمریکا، ئاشكرای كرد كە ساڵی داهاتوو 2026، لە هاوینەهەواری خۆی لە میامی میوانداریی لوتكەكە دەكات، ڕاشیگەیاند: پێموایە دۆڕاڵ باشترین شوێن دەبێت بۆ ئەوەی ساڵی 2026 میوانداری گرووپی 20 بکەم.

زانیاریی زیاتر: ترەمپ وتیشی، بە بەشدارییکردنی ڤلادیمێر پووتین، سەرۆکی ڕووسیا و شی جین پینگ سەرۆکی چین لە لووتکەکەدا خۆشحاڵ دەبێت.

باکگراوند: گرووپی 20 لە ساڵی 1999 دامەزراوە و گرووپێکه‌ لە کۆمەڵێک وەزیری ئابووری و دارایی و بەڕێوەبەرانی بانکە ناوەندییەکانی بیست وڵاتی جیهان پێکهاتووە.