ئەمریکا و هیندستان: پەیوەندییەکانی نێوانمان ئەرێنین

ئاڤا نیوز

سەرەڕای دروستبوونی گرژیی لەنێوان واشتن و نیودلهی، سەرۆکی ئەمریکا پەیوەندیی دۆستایەتیی خۆی لەگەڵ هیندستان دووپات کردەوە. لەوەڵامدا سەرۆکوەزیرانی هیندستان پەیوەندییەکەی لەگەڵ ئەمریکا بە ئەرێنی ناو برد.

چیڕۆکی سەرەکی: دۆناڵد ترەمپ، سەرۆکی ئەمریکا فشارەکانی لەسەر ھیندستان چڕتر کردووەتەوە و دەستی کردووە بە سەپاندنی پێناسی گومرگی بە ڕێژەی 50% لەسەر زۆربەی کاڵا هەناردەکراوەکانی ھیندستان، ئەمەش بە هۆکاری ئەوەی وڵاتەکە نەوتی ڕووسیا دەکڕێت، چونکە ھاوردەکردنی نەوت لە مۆسکۆ کە سەرچاوەیەکی سەرەکییە بۆ ڕووسیا بۆ دابینکردنی بوودجەکەی لەشەڕی دژ بە ئۆکراینا.

لێدوانی فەرمی: نارێندرا مودی، سەرۆکوەزیرانی هیندستان ڕایگەیاند، نیودەلهی و واشنتن هێشتا پەیوەندییەکی "زۆر ئەرێنی"ـیان هەیە، سوپاسی ترەمپیشی کردووە بەوەی پەیوەندییەکەی نێوانیانی بە ئەرێنی ناوزەند کردووە.

بۆچوونی لایەنی بەرامبەر: ترەمپیش پەیوەندییەکەی لەگەڵ هیندستان بە ئەرێنی ناو برد و وتیشی، هەمیشە لەگەل مودی هاوڕێ دەبم.

ئەمەش بزانە: هەموو ئەمانە لە کاتێکدان کە هەفتەی ڕابردوو مودی سەردانی چینی کرد بۆ بەشداریکردن لە کۆبوونەوەی ڕێکخراوی هاریکاریی شەنگەهای، ئەمەش وەک نزیکبوونەوەی هەردوو زلهێزی ئاسیا بووە.