ئەنەكەسە ئامانجی سەردانەكەیان بۆ لای شەرع ئاشكرا دەكەن

ئاڤا نیوز

ئەنجوومەنی نیشتمانیی کورد لە سوریا 'ئەنەکەسە' ڕایدەگەیەنێت، دیداریان لەگەڵ ئەحمەد شەرع سەرۆككۆماری سووریا بۆ دیالۆگە نەك دانوستان.

وێنە گەورەكە: حكومەتی نوێی سووریا، بانگهێشتنامەیەكی فەرمی بۆ حیزب و لایەنە سیاسییەكانی ژێر حوكمڕانی خۆسەر نارد بۆ سەردانیكردنی دیمەشق و ئەنجامدانی گفتوگۆ، ئەنجوومەنی نیشتمانیی كورد لە سووریا بانگهێشتنامەكەی قبووڵ كرد، لەبەرامبەردا پارتی یەكێتیی دیموكرات 'پەیەدە' ڕەتیكردەوە بۆ دیالۆگ و دانوستان بچێتە دیمەشق. 

لێدوانی فەرمی: سلێمان ئۆسۆ، ئەندامی دەستەی سەرۆکایەتیی ئەنەکەسە بە میدیای نزیک لە ئیدارەی خۆسەری ڕاگەیاندووە، ئەنجوومەنی نیشتمانیی كورد لە بنەڕەتدا، کۆبوونەوەکە ڕەتناکەنەوە، ڕوونیشیکردووەتەوە کە هێشتا وادەی دانیشتنەكە دیاری نەکراوە، بەڵام ئامادەیی خۆیان بۆ ئەو دیدارەی سەرۆکی سووریا دەربڕیوە.

ئەو سەركردەی ئەنەكەسە ئاماژەی بەوەشكردووە، ئەو بانگهێشتنامەیە لە ئەنجامی فشارەكانی سەر دیمەشق.

بە گوتەی ئۆسۆ، ئەو بانگهێشتنامەیە لە ئەنجامی فشارە نێودەوڵەتییەکانی سەر دیمەشقە بۆ کرانەوە بەڕووی شاندی هاوبەشی کورد، ئەمە جگە لە بانگەوازی جیاکردنەوەی ڕێڕەوی سیاسی لە ڕێڕەوی سەربازیی و ئیداریی.