ئەمریکا.. تۆمەتبارێک سێ ئەفسەری پۆلیس دەکوژێت و دوانی دیکەش بریندار دەکات

ئاڤا نیوز

 

لە ئەمریكا كەسێك كە فەرمانی دەستگیركردنی هەبووە، ڕووبەڕووی پۆلیس دەبێتەوە و سێ ئەفسەر دەكوژێت.

لێدوانی فەرمی؛ پۆلیسی ویلایەتی پێنسلڤانیا ڕایگەیاند، ڕۆژی چوارشممە لە شارۆچکەی کۆدۆرۆسی سەر بە یۆرک کاونتی ویلایەتەکە ڕووداوێکی تەقەکردن ڕوویداوە و بەهۆیەوە سێ ئەفسەر کوژراون و دووی دیکەش برینداربوون و تۆمەتبارەکەش گیانی لەدەست داوە.

 

ئەوەی پێویستە بیزانیت؛ پۆلیسی ویلایەتەکە ڕایگەیاندووە، ئەو کەسەی هێرشەکەی بۆ سەر پۆلیس ئەنجام داوە، فەرمانی دەستگیرکردنی هەبووە، ئەفسەرەکان لە شارۆچکەی کۆدۆرۆس بوون بۆ بەدواداچوون بۆ لێکۆڵینەوەیەکی ناوخۆیی، دوای ڕووداوەکە پۆلیس تەقەی لە تۆمەتبارەکە کردووە و گیانی لەدەست داوە و ناسنامەی تۆمەتبارەکە ئاشکرا نەکراوە.

 

زانیاریی زیاتر: جۆش شاپیرۆ، پارێزگاری ویلایەتی پێنسلڤانیا ئەو ڕۆژەی "بە ڕۆژێکی کارەساتبار و وێرانکەر" ناو برد و داوای نزای بۆ قوربانییانی ڕووداوەکە کرد.