مەسرور بارزانی بەشی دووەمی کۆڕنیشی زاخۆی کردەوە

ئاڤا نیوز


سەرۆکوەزیران مەسرور بارزانی هاوکات لەگەڵ کردنەوەی چەند پڕۆژەیەکی خزمەتگوزاریی بەشی دووەمی کۆڕنیشی زاخۆی کردەوە.

چیرۆکی سەرەکی: سەرۆکوەزیران مەسرور بارزانی لە چوارەم ساڵیادی ئیدارەی سەربەخۆی زاخۆ، چەند پڕۆژەیەکی گرنگی خزمەتگوزاریی بۆ خزمەتی هاونیشتمانیان کردەوە لەوانەش؛ کردنەوەی نەخۆشخانەی منداڵانی زاخۆ و کردنەوەی بەشی دووەمی کۆڕنیشی زاخۆ و کردنەوەی یەکەم پێشانگای نێودەوڵەتیی بوو لەو شارە.

زانیاریی زیاتر: لە درێژەی گەشەپێدانی پرۆژە گەشتیارییەکانی هەرێمی کوردستان، بەشی دووەمی پرۆژەی کۆڕنیشی زاخۆ بە گوژمەی شەش ملیار دینار تەواو کراوە، ئەم قۆناغە درێژییەکەی سێ کیلۆمەترە و سێ بەنداوێکی بچووکیش لەخۆدەگرێت.

ئەمەش بزانە: لەم قۆناغەدا زیاتر لە 50% ـی پڕۆژەکە سەوزایی لەخۆ دەگرێت، سێ بەنداوی بچووک و شوێنی یاریی منداڵان  و شوێنی وەرزشکردن جێبەجێکراوە، جگە لەوەی پیادەی هاتووچۆ بە درێژایی هەشت مەتر بۆ هەر لایەک دروست کراوە، خواردنگە، کافتریا و بەلەمی گەشتیاری لە پرۆژەکەدا هەن؛ بە تەواوبوونی پرۆژەکەش ژمارەی گەشتیاران بۆ زاخۆ زیاتر دەبێت.