ئۆتۆمبێلێکی مۆدێلی 1981 ماوه‌ى 30 ساڵه‌ له‌ فه‌رمانگەی ئاوی قەڵادزێ خزمه‌ت ده‌كات

ئاڤا نیوز

ئۆتۆمبێلێک لە قەڵادزێ ماوەی 30 ساڵە لە خزمەتکردن بەردەوامە، بەڵام بەهۆی خراپبوونییەوە بەردەوام مەترسییە بۆ سەر ئەو کەسانەی کە بەکاری دەهێنن. 

چیرۆکی سەرەکی: فەرمانگەی ئاوی قەڵادزی خاوەنی ئۆتۆمبێلێکی جۆری میک زەمینییە مۆدیلەکەی دەگەڕێتەوە بۆ ساڵی 1980، بەهۆی ئەوەی چەندین ساڵە لە خزمەتکردن بەردەوامە زۆرینەی بەشەکانی تێکچوون. بەڵام بەهۆی پێویستییەوە دەبرێت بۆ هەموو کوچە و کۆڵانێک و تەنانەت گوندەکانی دەورووبەری قەڵادزێش.

لێدوانی فەرمی: بەختیار شۆفێری ئەو ئۆتۆمبێلەیە دەڵێت: هەموو ڕۆژێک بەر لە شۆفێری دەبێت دوعا بکەم چونکە توانای لێخوڕینی نەماوە و زۆر کۆنبووە.


لەلایەکی دیکەوە:  بەرێوەبەری فەرمانگەی ئاوی قەڵادزی ڕایگەیاند: چەندین جار داوای ئۆتۆمبێلمان کردووە بەڵام هیچ نەکراوە و هی تازەمان بۆ دابین ناکەن.