ئاڤای خەڵک؛ بەڕێوەبەرایەتیی گەورە باجدەرانی سلێمانی کێشەی نەبوونی بەرزکەرەوەی هەیە

ئاڤا نیوز

بەڕێوەبەرایەتیی گەورە باجدەرانی سلێمانی کێشەی نەبوونی ئامێری بەرزکەرەوەیان هەیە و هاووڵاتییان و ئەو کەسانەی سەردانی ئەو شوێنە دەکەن داوا چارەسەر دەکەن. 

چیرۆکی سەرەکی: ساڵێکە بەڕێوەبەرایەتیی گەورە باجدەرانی سلێمانی کێشەی بەرزکەرەوەی هەیە و تا ئێستا چارەسەر نەکراوە، باڵەخانەی بەڕێوەبەرایەتییەکە چەندین ساڵە دروست کراوە و لە چەند نهۆمێک پێکهاتووە، ڕۆژانە هاونیشتیمانییەکی زۆر سەردانی دەکەن، بەڵام تەنها یەک بەرزکەرەوەی هەیە.

زانیاریی زیاتر: خەڵکێکی زۆر پەیوەندییان بە ئاڤاوە کردووە، داوایان کردووە دەنگیان بگەیێنین و هەوڵ بدەین کێشەکەیان بۆ چارەسەر بکەین.

لێدوانی فەرمی: لەوبارەیەوەبەرێوەبەرایەتی باج و دەرامەتی سلێمانی یەک بە ئاڤای ڕاگەیاند: ماوەی نۆ مانگە بڕیارمان داوە دوو بەرزکەرەوەی دیکە بۆ بەڕێوەبەرایەتییەکە دابین بکەین، کۆمپانیایەکمان بۆ کارەکە هێناوە بەڵام کارەکانی تەواو نەکردووە. 

بەهۆی ئەوەی لیژنەی هونەری داوەی کردووە چەند گۆڕانکارییەک لە بەرزکەرەوەکە بکرێت، کۆمپانیاکە ئامادە نەبووە و ئێستا هەشت مانگ تێپەڕبووە و یەک مانگ ماوە بەڵام ناتوانێت تەواوی بکات.