حەماس بارمتە ئیسرائیلییەکان بە مەرج ئازاد دەکات

ئاڤا نیوز

دوای ڕاگەیاندنی ڕێککەوتنی ئاشتی لە غەززە، کە یەکێک لە خاڵەکانی ئازادکردن و ئاڵوگۆڕکردنی بارمتەو و دیلەکانە، حەماس مەرجی ئەوەیە بارمتەکانی ئیسرائیل لە بەرامبەر دوو هەزار زیندانی فەڵەستینی ئازاد دەکات.

چیرۆکی سەرەکی: بە هەوڵەکانی دۆنالد ترەمپ و بە ڕەزامەندی ئیسرائیل و بزووتنەوەی حەماس، دواجار ئاگربەست لە غەززە واژۆ کرا و بارمتەکان ئازاد دەکرێن، بەڵام حەماس بە مەرج بارمتە ئیسرائیلییەکان ئازاد دەکات.

ڕاگەیێنراوی فەرمی: بزووتنەوەی حەماس ئەمڕۆ پێنجشەممە ڕایگەیاند، چاوەڕێی پەسەندکردنی کۆتایی لیستی ئەو زیندانییە فەڵەستینیانەیە کە بڕیارە لە چوارچێوەی ڕێککەوتنی ئاڵوگۆڕی دیلەکاندا لە زیندانەکانی ئیسرائیل ئازاد بکرێن و سەرچاوەیەک لە حەماسەوە ئاشکرای کرد، قۆناغی یەکەمی ڕێککەوتنەکە ئازادکردنی بارمتە زیندووەکانی ئیسرائیلە لە بەرامبەر زیاتر لە دوو هەزار زیندانیی فەڵەستینی و  دەبێت لە ماوەی 72 کاتژمێری یەکەمی جێبەجێکردنیدا ئەنجام بدرێت.

زانیاریی زیاتر: حەماس لیستی زیندانیانی فەڵەستینی بەپێی ئەو پێوەرانەی لە ڕێککەوتنەکەدا هاتووە پێشکەش کردووە و چاوەڕێی ڕەزامەندیی کۆتایین لەسەر ناوەکان، تاوەکو بە فەرمی ڕایبگەیەنین

ئەمەش بزانە: بزووتنەوەی حەماس داوای لە ترەمپ و وڵاتانی گەرەنتیکاری ڕێککەوتنەکە کردووە کە ئیسرائیل پابەند بکەن بە جێبەجێکردنی تەواوی خاڵەکانی ڕێککەوتنەکە.