پێکدادانی قورس لەسەر سنووری ئەفغانستان و پاکستان دەستیپێکرد

ئاڤا نیوز

پێکدادانی قورس لە نێوان هێزە ئەمنییەکانی ئەفغانستان و پاکستان لەسەر سنووری هاوبەشی نێوانیان ڕووی دا، ئەمەش دوای ئەوە هات کە کابول، ئیسلامئابادی تۆمەتبار کرد بە ئەنجامدانی هێرشی ئاسمانی لەناو خاکی وڵاتەکەیدا.

ڕاگەیێنراوی فەرمی: لە بەیاننامەیەکی سەربازیدا، تاڵیبان ڕایگەیاند، وەک تۆڵەیەک بۆ هێرشە ئاسمانییەکانی پاکستان، هێزەکانیان لە چەند ناوچەیەکی سنووری جیاوازدا هێرشیان کردووەتە سەر بنکەی هێزەکانی پاکستان، پێکدادانی قورس لە نێوانیان بەردەوامە.

زانیاریی بەدەستهاتوو: لە ئەنجامی هێرشی تاڵیبان شەش سەربازی پاکستان گیانیان لەدەستداوە و چەند بنکەیەکیشیان لەلایەن تاڵیبانەوە کۆنتڕۆڵکراوە.

زانیاریی زیاتر: هاوکات تاڵیبان هێزەکانی ڕێکخستووەتەوە و هێزی زیاتریشی بۆ سنوورەکانی وڵاتەکەی ناردووە.

ئەوەی پێویستە بیزانیت: شەوی پێنجشەممە سوپای پاکستان لە هێرشێکی ئاسمانیدا بۆ سەر کابولی پایتەختی ئەفغانستان نور وەلی مەحسود، سەرکردەی تەحریکی تاڵیبان پاکستانی کوشت.

باکگراوند: ئیسلام ئاباد چەندین جار تاڵیبان تۆمەتبار دەکات بەوەی ڕێگەی بە چەکدارانی گرووپی تەحریکی تاڵیبان پاکستان داوە خاکی ئەفغانستان بۆ هێرشکردنە سەر پاکستان بەکاربهێنن و تاڵیبانیش ڕەتیدەکاتەوە.