دەست بە قۆناغی دووەمی قیرتاوکردنی شەقامی هەولێر - خەبات دەکرێت

ئاڤا نیوز

بەمزووانە دوای قیرتاوکردنی قۆناغی دووەمی، سایدێکی شەقامی هەولێر - خەبات بەڕووی هاووڵاتیاندا دەکرێتەوە.

وێنە گەورەکە: جووتسایدی هەولێر - خەبات، هەولێر بە پارێزگاکانی دهۆک و نەینەوا دەبەستێتەوە، ڕێگاکە هاتووچۆیەکی زۆری بازرگانی لەسەرە، لە ڕابردووشدا بەهۆی خراپی ڕێگاکەوە چەندین ڕووداوی نەخوازراو ڕوویانداوە.

لێدوانی فەرمی: ئومێد خۆشناو، پارێزگاری هەولێر بە ئاڤای ڕاگەیاند: بەڵێندەری پڕۆژەکە کێشەی بودجەی هەبووە و هەوڵی چارەسەرکردنمان داوە، ڕەنگە کۆتایی ئەم هەفتەیە قۆناغی دووەمی قیرتاوکردنی شەقامەکە بە ئاراستەی چوون بەرەوە هەولێر دەستپێبکات و دواتر بەڕووی هاونیشتمانیان بکرێتەوە.

ئەوەی پێویستە بیزانیت: دوای تەواوکردنی کارەکانی قۆناغی دووەمی قیرتاوکردنی سایدی چوون بەرەوە هەولێر، ئاراستەی ڕۆیشتن بەرەو خەبات دادەخرێت و دەست بە نۆژەنکردنەوەی دەکرێت.