بۆیەکەمجار لە ژاپۆن ئافرەتێک بە سەرۆکوەزیران هەڵبژێردرا

ئاڤا نیوز 

سانای تاکایچی، سەرۆکی پارتی لیبڕاڵ دیموکراتی دەسەڵاتدار بە بەدەستهێنانی 237 دەنگی پەرلەمان، بە یەکەم سەرۆکوەزیرانی ئافرەت لە ژاپۆن هەڵبژێررا.

چیرۆکی سەرەکی: ڕۆژنامەی ژاپۆن تایمز بڵاویکردووەتەوە، لە پەرلەمانی ئەو وڵاتە پرۆسەی دەنگدان بۆ هەڵبژاردنی سەرۆکوەزیرانی نوێی ژاپۆن ئەنجام درا.

بڵاوکراوەی فەرمی: بەپێی هەواڵی ڕۆژنامەکە سانای تاکایچی، سەرۆکی پارتی لیبڕاڵ دیموکراتی دەسەڵاتدار بە بەدەستهێنانی 237 دەنگ بە سەرۆکوەزیران هەڵبژێردرا و لە بەرامبەریشدا یۆشیهیکۆ نۆدا، سەرۆکی پارتی دیموکراتی دەستووری 149 دەنگی بە دەست هێنا.

بە تەنیشت ئەم بابەتەوە: دوای ئەوەی لە هەڵبژاردنی ئەنجوومەنی پیران کە تەمموزی ئەمساڵ ئەنجام درا پارتی لیبڕاڵ دیموکرات زۆرینەی پەرلەمانی لەدەستدا شیگیرو ئیشیبای، سەرۆکوەزیرانی ژاپۆن دەستی لە پۆستەکەی و سەرۆکایەتیی گشتی پارتەکەی کێشایەوە.

پێویستە ئەمەش بزانیت: دوای دەستلەکارکێشانەوەی شیگیرو ئیشیبای سانای تاکایچی، کە لە چەندین کابینەکەدا وەزیری ئاسایشی ئابووری بوو، بە سەرۆکی پارتەکە هەڵبژێردرا. بەم جۆرە سانای تاکایچی تەمەن 64 ساڵ دەبێتە یەکەم سەرۆکوەزیرانی ئافرەت لە مێژووی ئەم وڵاتەدا.