زیاتر لە 7 هەزار پارچە زەوی دیکە لە هەولێر دابەش دەکرێت

ئاڤا نیوز

 

وابڕیارە سبەی حەوت هەزار و 500 پارچە زەوی دیکە لە سنووری سەرۆکایەتیی شارەوانیی هەولێر دابەش بکرێت.

 

وێنە گەورەکە: بە فەرمانی سەرۆکوەزیران مەسرور بارزانی هەموو ئەو فەرمانبەر و خانەنشین و پێشمەرگانەی مەرج و ڕێنمایی پێدانی زەوی دەیانگرێتەوە، پارچەیەک زەویان پێدەدرێت، هەنگاوەکانی جێبەجێ کردنی ئەو بڕیارەش بەردەوامە و لە سنووری ژمارەیەک شارەوانی دابەش کردنی زەوی دەستی پێکردووە.

 

لێدوانی فەرمانی: کارزان عەبدولهادی، سەرۆکی شارەوانیی هەولێر بە ئاڤا میدیای گوت: سبەی سێشەممە 28-10-2025 لە سنووری سەرۆکایەتیی شارەوانیی هەولێر حەوت هەزار و 500 پارچە زەوی دابەش دەکرێت.

 

ئەوەی پێویستە بیزانیت: لە سنووری سەرۆکایەتیی شارەوانیی هەولێر نزیکەی 70 هەزار فەرمانبەر و خانەنشین و پێشمەرگە، مەرج و ڕێنمایی پێدانی زەوی دەیانگرێتەوە، لەو ژمارەیە 17 هەزار کەسیان زەوییان بەسەردا بەشکراوە، سبەی حەوت هەزار و 500 کەسی دیکە زەوییان پێدەدرێت و ئەوانی دیکەش لە داهاتوو بەچەند قۆناغێک زەوییان پێدەدرێت.