ژاپۆن دیارییەکی دڵخواز پێشکەش بە ترەمپ دەکات

ئاڤا نیوز

لە میانەی سەردانەکەی سەرۆکی ئەمریکا بۆ ژاپۆن سانای تاکایچی، سەرۆکوەزیرانی نوێی وڵاتەکە دیارییەکی گۆڵف پێشكەش بە ترەمپ دەکات. 

وێنە گەورەکە: لە درێژەی گەشتەکەی ترەمپ بۆ ئاسیا، وێستگەی دووەمی گەشتەکەی تۆکیۆ بوو چاوی بە سانای تاکایچی کەوت کە لە هەفتەی ڕابردوودا وەک یەکەم سەرۆکوەزیرانی ئافرەت لە ژاپۆن دەستنیشانکرا.

زانیاریی بەدەستهاتوو: ترەمپ، دیارییەکی ڕەمزی لە لایەن سانای تاکایچی، سەرۆکوەزیرانی ژاپۆن وەرگرت، ئەویش دارێکی یاری گۆڵف و کڵاوی گۆڵف بووە کە شینزۆ ئابێ، سەرۆکوەزیرانی کۆچکردووی ژاپۆن بەکاری دەهێنا ئابێ یەکێک بووە لە هاوڕێ نزیکەکانی ترەمپ و زۆرجار لە گۆڵفدا پێکەوە یارییان کردووە. 

لێدوانی فەرمی: دۆناڵد ترەمپ ترەمپ سەرۆکی ئەمریکا  لە دیدارەکەی لەگەڵ تاکایچی ڕایگەیاند، هەمیشە خۆشەویستییەکی زۆر و ڕێزێکی قووڵم بۆ ژاپۆن هەبووە.، "دەمەوێت دڵنیاتان بکەمەوە کە ئەمە پەیوەندییەکی تایبەت دەبێت، ئێمە هاوپەیمانێکی بەرزترین ئاستین''.

ئەمەش بزانە: تاکایچی، نیازی خۆی بۆ کاندیدکردنی ترەمپ بۆ خەڵاتی نۆبڵی ئاشتی ڕاگەیاند و ئاماژەی بەوەدا کە جیهان لەماوەیەکی وا کورتدا دەستیکردووە بە چێژوەرگرتن لە ئاشتییەکی زیاتر.