خانەوادەی چالاکوانەکەی چەمچەماڵ: ئاڤا هۆکاری ئازادکردنی کوڕەکەمان بوو

ئاڤا نیوز

دوای ئەوەی چالاکوانێکی چەمچەماڵ لەسەر پۆستێکی فەیسبووک دەستگیرکرا و  17 ڕۆژ لە زیندان هێڵرایەوە، سەرەنجام ئازاد کرا. خانەوادەکەی دەڵێن، "ئاڤا هۆکاری ئازادکردنی کوڕەکەمان بوو".

چیرۆکی سەرەکی: محەممەد قوربانی، چالاکوانی چەمچەماڵ، لە ناوەڕاستی مانگی 10 پۆستێکی لە ئەکاونتی خۆی لە تۆڕی کۆمەڵایەتی فەیسبووک بڵاوکردەوە و نووسی " کاك قوباد نوێنەرەکانت هیچ خزمەتێکی شاری چەمچەماڵ ناکەن و ئاسایش دەستوەردان  لە کاری دادگا دەکات". چەند ڕۆژێک دواتر بە تۆمەتی خراپ بەکارهێنانی ئامێرەکانی پەیوەندی دەستگیر کرا.

لێدوانی فەرمی: ڕەئوف قوربانی، باوکی محەممەد قوربانی بە ئاڤا میدیای وت، ، دوای 17 ڕۆژ مانەوەی کوڕەکەم لە زیندان بەهۆی گوشارەکانی ئاڤا میدیاوە ئازاد کرا. سوپاسی ئاڤا و هەوراز گوڵپی دەکەم کە بوونە هۆکاری ئازادکردنی.

ڕەئوف قوربانی دەشڵێت: بێتاوان دەستگیر کرابوو، کاتێک ئاڤا ئەم بابەتەی جووڵاند و لە هەواڵەکان باسی کرد، ئازاد کرا.

ئەوەی پێویستە بیزانیت: محەممەد قوربانی، برازای ڕۆژنامەنووس و نووسەری دیاری کوردستان، عارف قوربانییە.