عێراق لەبارەی ڕۆژانی پشوو لەکاتی بەرێوەچوونی هەڵبژاردن بڕیاری دا

ئاڤا نیوز

 

ئەنجومەنی وەزیرانی عێراق بڕیاری دا ڕۆژی سێشەممەی داهاتوو، بەبۆنەی بەڕێوەچوونی هەڵبژاردنی خولی شەشەمی پەرلەمانی عێراق، ببێتە پشووی فەرمی لە سەرجەم دامودەزگا حکومییەکاندا.

 

چیرۆکی سەرەکی: ڕۆژی سێشەممە 4ـی تشرینی دووەمی 2025، محەممەد شیاع سوودانی، سەرۆکوەزیرانی عێراق، سەرۆکایەتیی 44هەمین دانیشتنی ئاسایی ئەنجوومەنی وەزیرانی کرد. لە دانیشتنەکەدا، دۆخی گشتی وڵات و ئەو بابەتانەی لەسەر خشتەی کار بوون، تاوتوێ کران و بڕیاری پێویست لەبارەیانەوە درا، یەکێک لەوانە: ڕاگەیاندنی پشووی فەرمی بوو لە ڕۆژی هەڵبژاردندا.

 

ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق، لە کۆبوونەوەکە بڕیاردرا، ڕۆژی سێشەممەی داهاتوو، 11ی تشرینی دووەمی 2025، کە ڕۆژی دەنگدانی هەڵبژاردنی پەرلەمانییە؛ ببێتە پشووی فەرمی.

 

لەلایەکی دیکەوە: وەزارەتی پەروەردە پێشتر یەکلایی کردبووەوە کە پشووی فەرمی تەنیا لەو خوێندنگایانە دەبێت کە وەک ناوەندی هەڵبژاردن دەستنیشانکراون.