كۆمەڵگەی پەروەردەیی بارزانی نەمر ئەزموونی جیاوازی وانەوتنەوە پەیڕەو دەکات

ئاڤا نیوز

لە کۆمەڵگای پەروەردەیی بارزانی نەمر بۆ یەکەمینجار چالاکییەکی جیاواز بۆ ناساندنی کولتووری ڕەسەنی کوردی بۆ قوتابییەکان ڕێکخرا.

چیرۆكی سەرەكی: قوتابیانی پۆلی سێی بنەڕەتی لە کۆمەڵگای پەروەردەیی بارزانی نەمر، کاتێک لە وانەی کوردیدا دەگەنە ئەو بابەتانەی باسی هەورامان و کولتوورە جوانەکەی دەکات، لەگەڵیدا نمایشێکی جوان ڕێکدەخرێت بۆئەوەی قوتابییان ئاشنای ئەو کولتوورە دەوڵەمەندە بن.

بینراو و بیستراو: سەرجەم قوتابییەكان جلی هەورامییانەیان پۆشیوە و بەو جلانەوە چوونەتە پۆلەوە؛ گوێز و هەنار و بەشێك لەو كەرەستانە نمایشکراون کە هەورامییەکان پێی ناسراون. قوتابییەکان فێری گۆرانی و هۆنراوەی هەورامی کراون و هەندێکیشیان فێری دەقە هەورامیەکان کراون و وتوویانەتەوە.

لێدوانی فەرمی: بەشی ڕاگەیاندن و پەیوەندییەكانی كۆمەڵگەی پەروەردەیی بارزانیی نەمر بۆ ئاڤا وتیان: "ئامانجمانە قوتابییەكانمان ئاشنای كولتووری دەوڵەمەندی هەورامان و هەموو ناوچەکانی دیکەی کوردستان بن. گرنگە سروشت و مێژوو و کولتووری هەموو ناوچەکان بناسن. بشزانن ناوچە جیاوازەکانی کوردستان بە چ بەرووبووم و خواردنێک بەناوبانگن.

بۆچی گرنگە: پاراستنی ئەم میراتە دەوڵەمەندە کە لە لیستی یونسکۆدا تۆمارکراوە، ئەرکی سەرشانی هەمووانە، بۆ ئەوەی شانازیی کوردستان بە زیندوویی بهێڵرێتەوە.