وەزیری ناوخۆی عێراق: پرۆسەی دەنگدان بەشێوەیەکی باش بەڕێوەدەچێت

ئاڤا نیوز

وەزیری ناوخۆی عێراق ڕایگەیاند، پرۆسەی دەنگدانی تایبەت بۆ هەڵبژاردنی پەرلەمانی عێراق بەشێوەیەکی باش بەڕێوەدەچێت و بۆ سەرکەوتنی پرۆسەکەش هەماهەنگیی لەنێوان هێزە ئەمنییەکان و کۆمیسیۆنی هەڵبژاردنەکاندا هەیە. 

وێنە گەورەکە: ئەمڕۆ یەکشەممە، لە کاتژمێر 7ـی بەیانییەوە پرۆسەی دەنگدانی تایبەت دەستیپێکرد و یەک ملیۆن و 313 هەزار و 859 کەس لە عێراق و هەرێمی کوردستان مافی دەنگدانیان هەیە.

لێدوانی فەرمی: عەبدولئەمیر شەمەری، وەزیری ناوخۆی عێراق لە بنکەیەکی بەغدا دەنگیدا و ڕایگەیاند، ڕێکارەکانی پرۆسەی دەنگدان بەشێوەیەکی ئاسایی بەڕێوەدەچێت و هێزە ئەمنییەکان بۆ سێ بەش دابەشکراون، هەر کامێکیشیان لە کاتێکی دیاریکراودا دەچێت و دەنگی خۆی دەدات.

وتیشی، وەزارەتی ناوخۆ و هێزە ئەمنییەکان بەیەک مەودا لە هەموو لایەنەکان دەوەستن، بۆ پرۆسەی دەنگدانی تایبەتیش هەماهەنگیی و هاوکاری باش لەنێوان هێزە ئەمنییەکان و کۆمیسیۆنی هەڵبژاردنەکاندا هەیە.