لە بڕۆکسل گفتوگۆ دەربارەی ستانداردە نێودەوڵەتییەکانی حکومڕانیی هەرێمی کوردستان دەکرێت

ئاڤا نیوز

‎بڕیاروایە لە شاری بڕۆکسلی پایتەختی بەلجیکا، ڕێکخەری ڕاسپاردە نێودەوڵەتییەکان لەگەڵ بەرپرسانی باڵای یەکێتیی ئەوروپا، تاوتوێی ستانداردە نێودەوڵەتییەکانی دامودەزگا حکومییەکانی هەرێمی کوردستان بکەن.

‎وێنە گەورەکە: بەمەبەستی بەدەستهێنانی پشتیووانی زیاتر بۆ حوکمڕانییەکی باش و خستنەڕووی شێوازی حکومڕانی لە هەرێمی کوردستان و پەیڕەوکردنی ستانداردە نێودەوڵەتییەکان لە ستراتیژییەت و ڕاپەڕاندنی ئەرکی دامودەزگا حکومییەکان، لە ڕۆژانی 8 تاوەکو 11ی کانوونی یەکەمی 2025، ڕێکخەری ڕاسپاردە نێودەوڵەتییەکانی حکومەتی هەرێمی کوردستان لە شاری بڕۆکسلی پایتەختی بەلجیکا، بەشدار دەبێت لە زنجیرە کۆبوونەوەیەک لەگەڵ بەرپرسانی باڵای یەکێتیی ئەوروپا و ئەندامانی پەرلەمانی ئەورووپا.

‎لێدوانی فەرمی: د. دیندار زێباری، ڕێکخەری ڕاسپاردە نێودەوڵەتییەکانی حکومەتی هەرێمی کوردستان ڕایگەیاند: لە دیدارەکاندا ئەو پێشکەوتنانەی هەرێمی کوردستان دەخەینەڕوو کە لە بواری مافەکانی مرۆڤ بەدەستیهێناوە وەک؛ جێبەجێکردنی ڕاسپاردە نێودەوڵەتییەکان و پلانی حکومەتی هەرێمی کوردستان بۆ مافەکانی مرۆڤ (2021-2025) کە لە 62%ی ڕاسپاردە نێودەوڵەتییەکانی جێبەجێکردووە.