بەڕێوەبەری ئاسایشی هەولێر بۆ ئاڤا نیوز: 13 تۆمەتباری شەڕەکەی گوندی شەوک دەستگیرکران

ئاڤا نیوز

 

بەڕێوەبەری ئاسایشی هەولێر، بۆ ئاڤا نیوز ڕایگەیاند، شەڕەکەی گوندی شەوک کۆنترۆڵ کراوە و 13 تۆمەتباری شەڕەکە دەستگیرکران، لەگەڵیشیاندا دەستبەسەر کۆمەڵێک چەکدا گیرا. 

 

وێنە گەورەکە: شەوی ڕابردوو لە گوندی شەوک لە نزیک کۆمەڵگەی مەلا ئۆمەر لە سنووری پارێزگای هەولێر شەڕ لەنێوان دوو بنەماڵەدا ڕووی دا و ڕووبەڕووی یەکتربوونەوە. 

 

لێدوانی فەرمی: بارزان قەساب، بەڕێوەبەری ئاسایشی هەولێر بۆ ئاڤا نیوز ڕایگەیاند: هێزەکانی ئاسایش بە هاوکاری هێزەکانی بەڕێوەبەرایەتیی پۆلیسی هەولێر لە شەوی ڕابردووەوە 13 تۆمەتباری تەقەکردن و پشێوی دروستکردنیان لە گوندی شەوک دەستگیرکردووە، هەروەها دەستیان بەسەر کۆمەڵێک پارچە چەکی سووک و قورسدا گرتووە و چەند شوێنێکی تەقەکردنیان تێکداوە. 

 

زانیاریی زیاتر: بارزان قەساب دڵنیایی دەداتە هاونیشتمانیان کە ئێستا هێزەکانیان لەناو گوندی شەوک جێگیرکراون و سەرجەم تۆمەتبارانی ڕووداوەکە دەدرێن بە دادگە و  لێپرسینەوەی یاساییان لەگەڵدا دەکرێت.

 

لەلایەکی دیکەوە: بەڕێوەبەری ئاسایشی هەولێر بەڵێن دەدات کە ڕێگە نادەن جارێکی دیکە ڕووداوی لەمشێوەیە لە ناوچەکە دووبارە ببێتەوە.