حەماس مانگانە 12 ملیۆن دۆلار کۆمەکی دارایی پێدەگات

ئاڤا دیجیتاڵ

 

جەنگی نێوان ئیسرائیل و "بزووتنەوەی حەماس" بەردەوامە؛ هێرشی ئیسرائیل بۆ سەر کەرتی غەززە بووەتە هۆی ئەوەی لەلایەن دامەزراوە جیاوازەکانەوە یارمەتیی دارایی زیاتر پێشکەشی بزووتنەوەکە بکرێت.

 

وێنە گەورەکە: لەوەتەی هێرشی ئیسرائیل بۆ سەر کەرتی غەززە دەستی پێکردووە، یارمەتییە داراییە ئۆنلایینەکان بۆ حەماس زیاتر بوونە. بەگوێرەی ئاماری بەرپرسانی دارایی و هەواڵگریی ئیسرائیل، مانگانە بەبڕی 8 بۆ 12 ملیۆن دۆلار، "هاوکاریی دارایی" پێدەگات.

 

زانیاریی زیاتر: بەشی زۆری ئەم یارمەتییە داراییانە لەلایەن رێکخراوە خێرخوازییەکانەوە بەشێوەی ئۆنلایین بۆ "بزووتنەوەی حەماس" دەنێردرێت.

 

ئەمەش بزانە: زیادبوونی یارمەتییە داراییەکان بۆ حەماس لە کاتێکدایە کە ئەمریکا و یەکێتیی ئەوروپا، "بزووتنەوەی حەماس" وەک رێکخراوێکی تیرۆریستی دەناسێنن؛ ئەمەش بەو مانایە دێت، سزای هەر لایەنێک دەدرێت کە "بزووتنەوەی حەماس" پارەدار بکات.