ئەمریكا ڕەتیدەكاتەوە پەیوەندی بە بۆردوومانەكەی بنكەی كالسۆوە هەبێت

ئاڤا نیوز  

فەرماندەیی ناوەندی ئەمریكا (سێنتكۆم) ڕەتیدەكاتەوە، هێزەكانیان بۆردوومانی بنكەی كالسۆی سەر بە هێزەكانی حەشدی شەعبیان لە بابل كردبێت.

چیرۆكی سەرەكی: بەرەبەیانی ئەمڕۆ ناوەندی سەربازیی كالسۆ، كە تایبەتە بەهێزەكانی حەشدی شەعبی، لەباكووری شاری بابل بۆردوومان كراو دەنگی چەند تەقینەوەیەكی بەهێزیش بیسترا. بەپێی سەرچاوە نا فەرمی و سەرەتاییەكان كوژراو و بریندار لە ڕیزی چەكداری حەشدی شەعبی هەیە.

ڕاگەیێنراوی فەرمی: سێنتكۆم لەسەر تۆڕی ئێكس، نووسیویەتی: " ئەمریكا ڕۆژی هەینی هێرشی ئاسمانی بۆ سەر عێراق ئەنجام نەداوە".

زانیاریی زیاتر:" ئەو زانیارییانەی كە بانگەشەی ئەوە دەكات ئەمریكا لە ڕۆژی هەینی هێرشی ئاسمانی بۆ سەر عێراق دەستپێكردووە هەڵەیە" سێنتكۆم وای گوتووە.

ئەوەی پێویستە بیزانیت: بەرەبەیانی ئەمڕۆ هێرش كرایە سەر بنكەی سەربازیی  كالسۆ كە پێشتر هێزەكانی ئەمریكای تێیدابوون و دواتر ڕادەستی هێزە عێراقییەكان كرا و ئێستاش  لیواكانی 28 و 17ی هێزەكانی حەشدی شەعبی تێدایە.