وەزارەتی دارایی لەبارەی دابەشکردنی زەوی خانەنشینانی ئاگادار دەكاتەوە

ئاڤا نیوز

وەزارەتی دارایی و ئابووری هەرێمی كوردستان، ئاگاداری سەرجەم خانەنشینانی وەزارەتەکەی دەكاتەوە بۆ وەرگرتنی فۆڕمی دابەشكردنی زەوی سەردانی بەڕێوەبەرایەتیی خانەنشینی لە شار و شارۆچكەكان بكەن.

 

وێنە گەورەکە: ڕۆژی 27 ی ئاداری ڕابردوو سەرۆکوەزیران بارزانی بڕیاری دا بە دابەشکردنی زەوی بەسەر فەرمانبەرانی سوودمەند نەبوو، ئێستاش حکومەتی هەرێم دەستی کردووە بە دابەشکردنی فۆرمی وەرگرتنی زەوی بەسەر فەرمانبەران.

ڕاگەیێنراوی فەرمی: وەزارەتی دارایی و ئابووری هەرێمی كوردستان ڕایگەیاند: ئاگاداری سەرجەم خانەنشینان دەکەینەوە کە لە ڕۆژی یەکشەممە 28-07-2024، دەتوانن سەردانی بەڕێوبەرایەتی خانەنشینی پەیوەندیدار لە شار و شارۆچکەکان بکەن بەمەبەستی وەرگرتنی فۆڕمی دابەشکردنی زەوی.

زانیاریی زیاتر: فۆڕمەکە تەنیا ئەو خانەنشینانە دەگرێتەوە کە لە ژیاندا ماون، تەنيا ئەو خانەنشینانە دەتوانن فۆڕمی وەرگرتنی زەوی پڕ بکەنەوە کە پێشتر بەهیچ جۆرێک سودمەند نەبوون لە وەرگرتنی زەوی.