ئیسرائیل باشووری لوبنان بۆردومان دەکاتەوە

ئاڤا نیوز

بە پاساوەی بە ئامانجگرتنی چەکدارانی حیزبوڵڵا و ژێرخانی حیزبوڵڵا، سوپای ئیسرائیل چەند شارۆچکەیەکی باشووری لوبنان بۆردومان دەکات.

چیرۆکی سەرەکی: فڕۆکە جەنگییەکانی ئیسرائیل زنجیرەیەک هێرشی ئاسمانییان بۆ چەند ناوچەیەک لە باشووری لوبنان ئەنجام دا و بە گوێرەی داتاکانی وەزارەتی تەندروستی لوبنان لە ئەنجامی ئەو هێرشانەدا کەسێک کوژراوە و هەشت کەسی دیکەش بریندار بوون.

لێدوانی فەرمی: ئەفیخای ئەدرعی، وتەبێژی سوپای ئیسرائیل لە تۆڕی کۆمەڵایەتیی ئێکس ڕایگەیاند: سوپای ئیسرائیل ژێرخانی سەربازیی حیزبوڵڵا لە سەرتاسەری باشووری لوبنان دەکاتە ئامانج بۆ ڕووبەڕووبوونەوەی هەوڵە نایاساییەکانی گرووپەکە بۆ ئاوەدانکردنەوەی چالاکییەکانی لە ناوچەکەدا.

ئەمەش بزانە: هێرشەکانی ئیسرائیل لە کاتێکدان کە ئیسرائیل و لوبنان ئاگربەستیان لە نێواندا هەیە، حکومەتی لوبنان دەڵێت ئیسرائیل بەم هێرشانە ئاگربەستەکە پێشێل دەکات.