ئەمریکا و بەریتانیا داوا لە هاووڵاتیانیان دەکەن بەخێرایی لوبنان جێبهێڵن

ئاڤا نیوز

 

ئەمریکا و بەریتانیا داوا لە هاووڵاتیانی دەكات خێرا خاكی لوبنان جێبهێڵن و بگەڕێنەوە وڵاتەکانی خۆیان.

 

ئەوەی ئێستا ڕوودەدات: ئیسرائیل بەردەوام چەندین ناوچە لە باشووری لوبنان بۆردوومان دەكات و حیزبوڵڵاش لە چەندین ناوچەوە هێرشی مووشەكی ودرۆنی دەكاتە سەر ئیسرائیل.

 

ڕاگەیێنراوی فەرمی: حكومەتی بەریتانیا لە ڕاگەیێنراوێكدا دەڵێت: داوا لە هاووڵاتیانمان دەکەین خێرا  خاكی لوبنان جێبهێڵن و بگەڕێنەوە نیشتیمانی خۆیان.

 

لەلایەکی دیکەوە: باڵیۆزخانەی ئەمریکا لە بەیرووت داوا لە هاوڵاتیانی دەکات دەستبەجێ لوبنان بەجێبهێڵن. 

 

زانیاریی بەدەستهاتوو: بەپێی ئەو زانیارییانەی لە میدیاكانی لوبنان و عەرەبییەكان بڵاوكراوەتەوە ئیسرائیل نیازی هەیە چەندین ناوچەی دیكە لە بەیرووت و دەوروبەری بۆردوومان بكات.