نیویۆرک تایمز: بە کوژرانی هەنیە حەماس بە‌هێزتر دەبێت

ئاڤا نیوز

 

ڕۆژنامەی نیویۆرک تایمزی ئەمریکی لە ڕاپۆرتێکدا ئاماژە بەوە دەدات، کوشتنی سەرکردەکانی حەماس دەبێتە هۆی بەهێزتربوونی بزووتنەوەکە.

 

وێنە گەورەکە: نیویۆرک تایمز بە پشتبەستن بە بۆچوونی شرۆڤەکاران بۆ مێژووی حەماس ئاماژە بەوە دەدات، کوشتنی ئیسماعیل هەنیە لە تاران و هەروەها بانگەشەی کوشتنی محەممەد زەیف لە غەززە لە ماوەیەکی کورتخایەندا زیان بە حەماس دەگەیێنێت، بەڵام نابێتە هۆی ئەوەی بزووتنەوەکە نەتوانێت دووبارە هەستێتەوە.

 

ئەوەی ئێستا ڕوودەدات: دوای 10 مانگ لە جەنگ، ئیسرائیل لە بۆردوومانکردنی غەززە بەردەوامە، هێشتا حەماس لەنێونەچووە و هەموو بارمتەکانیش ئازاد نەکراون. 

 

ئەوەی پێشبینی دەکرێت: ئێران ڕایگەیاندووە کوشتنی هەنیە لە تاران پێشێلکردنی سەروەریی ئەو وڵاتەیە و بەم هۆیەشەوە هەڕەشەی سزادانی ئیسرائیل دەکات.