شەش بازرگانی ماددەی هۆشبەر لەسێدارە دەدرێن

ئاڤا نیوز  

دادگەی عێراق بەتۆمەتی بازرگانیکردن بە ماددەی هۆشبەر و فرۆشتنی لەناو وڵات، سزای لەسێدارەدانی بەسەر شەش بازرگانی ماددەی هۆشبەردا سەپاند.

وێنە گەورەکە: بەگوێرەی ئامارەکانی وەزارەتی ناوخۆی عێراق، لە حەوت مانگی یەکەمی ئەمساڵدا دەستبەسەر زیاتر لە دوو تۆن ماددەی هۆشبەردا گیراوە و هەشت هەزار کەسیش بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.

ڕاگەیێنراوی فەرمی: ئەنجومەنی باڵای دادوەری عێراق بڵاویکردەوە: بەتۆمەتی دروستکردنی تۆڕی نێودەوڵەتی و بازرگانی بۆ گواستنەوە و فرۆشتنی ماددەی هۆشبەر لەناو عێراق، دادگای ناوەندی تاوانەكان لە بەغداد سزای لەسێدارەدانی بەسەر شەش تۆمەتباردا سەپاند.

زانیاریی زیاتر: "تۆمەتبارەکان بە 30 کیلۆگرام ماددەی هۆشبەرەوە دەستگیرکراون و جگە لە عێراق، هەوڵیانداوە ماددەی هۆشبەر بۆ وڵاتانی کەنداویش بگوازنەوە و بیفرۆشن، بۆیە بەگوێرەی یاسای ماددە هۆشبەرەکان و کارتێکەرە عەقڵییەکان سزادراون".