واشنتن و بەغدا سێ لیژنە بۆ کشانەوەی هێزەکانی ئەمریکا لە عێراق پێکدەهێنن

ئاڤا نیوز

گەڕی دووەمی دانوستانەکانی نێوان بەغدا و واشنتن بۆ کشانەوەی هێزەکانی ئەمریکا کۆتاییهات و سێ لیژنە بۆ ئەم مەبەستە پێکدەهێنرێن. 

 

لێدوانی فەرمی: یەحیا ڕەسووڵ، گوتەبێژی فەرماندەی گشتیی هێزە چەکدارەکانی عێراق ڕایگەیاند: پێویستە لە کۆبوونەوەکاندا خشتەیەک دابڕژێرێت بۆ ئەوەی هەنگاو بە هەنگاو هێزەکانی هاوپەیمانان بکشێنەوە، کۆبوونەوەکان بەشێوەی خولی بەردەوام دەبن. 

 

زانیاریی زیاتر: گەڕی دووەمی دانوستانەکانی نێوان واشنتن و بەغدا، بۆ کشانەوەی هێزەکانی هاوپەیمانان لە عێراق کۆتاییهات. سێ لیژنە لەنێوان هەردوولا پێکهێنران بۆ ڕێککارەکانی کشانەوە، ڕێککەوتن لەسەر ئەوەی دوو هەفتەی دیکە جارێکی دیکە کۆببنەوە.

باکگراوند: ئەمریکا لە عێراق 2500 سەربازی هەیە و لەسەر داوای حکومەتی عێراق هاتوون، بۆ ڕاوێژ و هاوکاریکردنی سوپای عێراق و پێشمەرگە بۆ ڕووبەڕووبوونەوەی داعش.