پەرلەمانی عێراق بەمەبەستی دەنگدان لەسەر پڕۆژەیاسای تۆماری مردووان کۆدەبێتەوە

ئاڤا نیوز

 

پەرلەمانی عێراق ڕۆژی چوارشه‌ممه‌ کۆدەبێتەوە، بەپێی کارنامەی دانیشتنەکە، دەنگ لەسەر پڕۆژەیاسایه‌ك دەدرێت و خوێندنەوەی یه‌كه‌م و دووەمیش بۆ پێنج پرۆژه‌ یاسای دیکە ده‌كرێت.

 

وێنە گەورەکە: بڕیارە کاتژمێر 01:00ـی پاشنیوەڕۆی ڕۆژی چوارشه‌ممه‌ 07-08-2024، پەرلەمانی عێراق دانیشتنی ژمارە حه‌وتی وەرزی دووەمی یاسادانان ئەنجام بدات.

 

زانیاریی به‌ده‌ستهاتوو: نووسینگەی پەرلەمانی عێراق کارنامەی دانیشتنی ڕۆژی چوارشه‌ممەی ڕاگەیاند و شه‌ش بڕگە لەخۆ دەگرێت، برگه‌ی یه‌كه‌م دەنگدانه‌ لەسەر پرۆژەیاسای تۆماری لە دایکبووان و مردووان.

 

زانیاریی زیاتر: بڕگه‌كانی دیكه‌ی به‌رنامه‌ی كاری په‌رله‌مانی عێراق بۆ سبه‌ی چوارشه‌ممه‌ بریتین لە:

 

یەکەم: خوێندنه‌وه‌ی یه‌كه‌م بۆ پرۆژه‌یاسای شاره‌ پیشه‌سازییه‌كان .
دووەم: گفتوگۆکردن و خوێندنەوەی دووه‌م بۆ پرۆژەیاسای ده‌زگای شه‌هیدان .
سێیەم: خوێندنه‌وه‌ی یه‌كه‌م بۆ پرۆژەیاسای په‌رتوكی دەستکاریکراوو.
چوارەم: خوێندنه‌وه‌ی یه‌كه‌م بۆ پرۆژه‌یاسای سه‌ندیكای ده‌رمانسازانی عێراق .
پێنجه‌م: خوێندنه‌وه‌ی یه‌كه‌م بۆ پێشنیازی یاسای هه‌مواری یه‌كه‌می پروژه‌یاسای ئه‌نجومه‌نی نوێنه‌ران و پێکهاتەکانی .