تەندروستیی عێراق: هیچ تووشبوویەک بە ئاوڵەی مەیموون تۆمار نەکراوە

ئاڤا نیوز 

 

دوای بڵاوبوونەوەی هەواڵی یەکەم گوماناوی تووشبوو بە ئاوڵەی مەیموون لە پارێزگای ناسریە لە عێراق، وەزارەتی تەندروستی ڕوونکردنەوە دەدات و ئاماژە بۆ ئەوە دەکات هەر تووشبوویەک هەبێت خۆیان ڕایدەگەیێنن.

 

وێنە گەورەکە: بڵاوبوونەوەی ڤیدیۆی زیارەتکارێکی بەنگالی لە پارێزگای ناسریە لە بەشێکی زۆری تۆڕە کۆمەڵایەتییەکان کە گومانی تووشبوون بە ئاوڵەی مەیموونی لێدەکرا، کاردانەوەی خەڵک و دەزگا تەندروستییەکانی لێکەوتەوە.

 

ڕاگەیێنراوی فەرمی: وەزارەتی تەندروستیی عێراق ڕایگەیاند: تاوەکو ئێستا هیچ تووشبوویەک بە ئاوڵەی مەیموون لەعێراقدا تۆمار نەکراوە.

 

زانیاریی زیاتر: وەزارەت هەموو ئامادەکارییەکی کردووە لە ئەگەری سەرهەڵدانی هەر دۆخێکی لەو جۆرە، پێویستە هاووڵاتیان زانیارییەکان لە سەرچاوە فەرمییەکانەوە وەربگرن و بڕوا بەو پڕوپاگەندانە نەکەن کە لەسەرچاوەی باوەڕپێنەکراوەوە دەستیان دەکەوێت.

 

لەلایەکی دیکەوە: وێڕای ئەوەی تاوەکو ئێستا هیچ تووشبوویەک بە نەخۆشییەکە لە هەرێمی کوردستان تۆمار نەکراوە، وەزارەتی تەندروستیی هەرێمی کوردستان ڕێکاری خۆپارێزی بۆ ڕێگریکردن لە بڵاوبوونەوەی نەخۆشیی ئاوڵەی مەیموون دەگرێتەبەر.